Association / Manifestations

Marignana, Storia e Patrimoniu

Storia e Patrimoniu

Mardi 01 Janvier 2008

MARIGNANA
STORIA E PATRIMONIU

Si scopre u paese di Marignana appullatu in la castagneta, à circa 700 metri d'altitudine è più, à l'arrembu di a muntagna, da mezu à Evisa è Portu.
Un girandulone à a fine di u XIXeme l'avia apprizzatu da paese furtiticatu, par via di parechje risegue d'orti, oghje abbandunate è machjose.

Nanzu à a prima guerra mundiale, Marignana ascundia à belli 1150 abitanti è e so lenze di chjosi facianu campà à tutti. Oghje a pupolazione si riduce à un centu di parsonne. Fomi, grataghji, lavatoghji, mulini, fermanu tistimoni di una vita campagnola fattia.

Petre curiosamente scarpillinate in manera d'animali marini, si vedenu in la faciata d'una casa, segnu d'una civtlizzazione precristiana.

Si pò scopre in la ghjesgia di San Ghjacumu u Maggiore, di fattura stramba, vistiti sacerdutali è un vacnicce, offerti da l'imperatrice Eugénie à u so cappillanu, l'abbate Versini, di nascita Mangnanese, è po, una pittura di Frédeuc Legrip, è dinò un tabernaculu in legnu zuccatu datatu di u 1705.
In lu poghju di Chidazzu vicinu à Marignana, in la ghjisgiola di San Francescu-Saveriu ci si trovanu oggeti di u XVIIIeme , una campana datata di u 1574 è un'affrescu fattu ch'ùn hè tantu.

Nant'à a strada di muntagnera chi và da monte in là fin'à Revinda, sicondu poghju di Marignana, vicinu à Carghjese, fermanu sempre qualqui patene di basamentu d'una ghjesgia rumanica di u VIIeme, chjamata Santa Degna, è più luntanu si vede à pinuccia pardine è muriccie d'una minera di farru è d'una minera di ramu. Suvitendu l'andatu ghjunghe omu in lu caminu di e creste chi strapiumba u superbu golfu di Portu.

A vinti minuti di marchja u paisolu abbandunatu di U Tassu, cumuna di E Cristinacce, ristituisce ind'un microclima l'ambiente di a vita cainpagnola di i nostri antichi.

In lu centru di u paese trè riquardi cummemoratori ramentanu a storia di Marignana:

- Saveriu Coppolani chi hà acquistatu pacificamente a Moritania.
- U munimentu dii morti di a guerra di u 14-18 è di u 39-45 chi ci dà à capi quant'ella fù maiò a pulzatura di e guerre pà a Corsica;
- Ricurdanza di i fatti di risistenza di u 1943.

I membre di u commando vinuti da Alger so sbarcati da u sottumarinu CASABIANCA in l'inzecca di Chjuni, guidati è allughjati da una famiglia mangnese, anu parmessu u ligamu incu a Risistenza lucale è l'urganisazione par mandà matiriale è omi à u scopu di a liberazione di a Corsica in Sittembre di u 1943.

A u XIXeme Marignana fù u tiatru d'avvenimenti tragichi. Una vindetta caghjunò una guerra trà duie famiglie è ci volse à fà intarvene à Monsignore Casanelli d'Istria, vescu, par fà appacia à tutti.
"FLEUVE DE SANG ", libru scnttu in lu 1920 conta st'avvenimenti.
In principiu di u XXeme, l'isciuta di A CISPRA, libricciolu litterariu di tendenza autonomista, criatu da Saveriu Paoli è Ghjacumu Santu Versini, è canzone è e puesie die Dumenicu Antone Versini, dettu Maistrale, criatore di L'ALMANACCU CORSU è u ghjumale A MUVRA ind'ellu scrivia Marcellu Alessandri di Chidazzu, deddenu à Mangnana a nutorietà d'un paese di pueta.

Paese di Marignana a chj ci ghunghje ùn si lagna.

publié le 25/02/2008 par Associu Scopre